అమ్మ

ఈ విచిత్ర జగత్తునకు స్వాగతం పలికే ఆదిద్వారం అమ్మ,

ఆనందంలో,ఆవేదనలో అర్ధభాగం అమ్మ,

కోరినది ఇచ్చి కోర్కెలను తీర్చు కల్పతరువు అమ్మ,

అద్రి అంతటి ఉన్నతము,అంబుధి యంతటి విశాల మనస్సుగల అనంతురాలు అమ్మ,

విధుని కౌముదివంటి స్వచ్ఛమైన మదిని గల్గినది అమ్మ,

విశ్వమనెడి అఱదమునకు ఇరుసువంటిది అమ్మ,

ప్రళయంలోకూడా ప్రకోపించని ప్రశాంతవదని అమ్మ,

దేవదేవుళ్ళకు సైతం ఆపదలో దొడ్డదిక్కు అమ్మ,

ఈ విశ్వమనెడి క్రీడాప్రాంగణమునకు కవాటములు తెఱచు తొలి తాళపుచెవి అమ్మ ,

ఏడు వింతలను మైమరపించు ప్రేమను కురిపించే ఎనిమిదవ వింత అమ్మ,

ఈ లోకమునందుండే అత్యంత పవిత్రమూ,ఉచ్చారణా సౌలభ్యమైన పదము అమ్మ...